USD 446.33
EUR 485.56
RUB 5.04
Пікірсайыс Ақтөбелік студенттер арасында өткізілді, деп хабарлайды «Хабар 24».
Шараға қаладағы барлық жоғары және арнаулы білім беретін оқу ордаларының өкілдері қатысты. Орақ ауыз, от тілді 50-ге жуық бозбала мен бойжеткенге 7 резолюция ұсынылған. Дінмұхаммед Қонаевтың еңбек жолы мен тәуелсіз Қазақстанның тарихы, экономикалық жетістіктер мен ішкі-сыртқы саясаттың ерекшеліктері сияқты тақырыпта пікір алмасты. Бұл ашық форматта ұйымдастырылған биылғы алғашқы турнир. Келесі пікір-сайыс кездесуінде аудан жастары да тартылады.
Аманжол Қаниев, «Заман біздікі» пікірсайыс клубының президенті:
– Турнирге бізде тек жаңадан келіп жатқан пікірсайысшылар емес, бұрыннан ойнап жүрген, яғни республикалық пікірсайысшы да, жаңадан келген пікірсайысшы да – барлығы өздерінің ойларын осы пікірсайыс алаңында салып жатқан жайы бар. Осы турнирді ұйымдастырудағы мақсатымыз – жастар арасында сыни ойлау, креативті ойлау сияқты қасиеттерді дәріптеу және Дінмұхаммед Қонаевтың еңбектерін көрсету, жастар арасында насихаттау.
