Бұдан былай eGov порталында электрондық цифрлық қолтаңба алу үшін телефон бейнекамерасын қолдануға болады, деп хабарлайды «Хабар 24».
23 сәуірден бастап «Диджитал АйДи» бейне тексеруінен компьютер камерасын қолданбай-ақ өте аласыз. Бейне тексеру сервисі компьютерде камера болмаған жағдайда QR-код көмегімен сәйкестендіру рәсімінен өтуге мүмкіндік береді. Өзгертулерді пайдалану үшін телефон камерасын компьютер экранында көрсетілген QR-кодына бағыттау керек. Сәйкестендіру расталғаннан кейін үйреншікті тәсілді жалғастырасыз.