429,33 519.25 5.73
+7 (7172) 757 485 24kz@khabar.kz
ҚАЗ

Теңіздегі шекарашылар Түркия азаматын ажалдан арашалап қалды

  • 413
  • UPD: 16:45, 01.01.2021
Теңіздегі шекарашылар Түркия азаматын ажалдан арашалап қалды

31 желтоқсанда ауа райының күрделі жағдайында Маңғыстау облысы бойынша ҰҚК Шекара қызметі департаментінің Шекара корабльдері мен катерлері Ақтау дивизионының «Сарбаз» шекара кораблі экипажының үшінші дәрежелі капитаны А.К. Ахметчанның басқаруымен Түркия азаматын Әзербайжан Республикасының «Академик Гасан Алиев» паромынан Кендірлі шығанағы ауданында құтқару операциясын өткізді.

«SOS» көмегі туралы сигнал Әзербайжан кемесінің командирінен радиодан түсті. Әзербайжан Республикасының Ақтау қаласындағы консулдық қызметі қиын жағдай фактісін растады. Науқастың «жағдайы ауыр» деп бағаланып, оған жедел аппендицит алдын ала диагнозы қойылды.

Теңіз шекарашылары хабарлама алғаннан кейін бірден паромға қарай бет алды, 2 метрден астам толқынмен және қатты қарсы желмен жүруге тура келді.

4 сағат ішінде шекара кемесінің экипажы кемеге мініп, науқасты ала алмады. Кеме командирі науқасты «Сарбаз» шекара кемесінің борттық кемесіне қайта арту туралы қауіпті шешім қабылдады. Гидротехникалық құрылыстардың алыстығына және Құрық портында айлақтың мүмкін еместігіне байланысты лейтенант Ж.Ж. Иксатов бастаған борт катерінің экипажы науқас жолаушымен бірге ең қысқа жол бойынша жылжыту және жабдықталмаған жағалауға шығу туралы қалпынан тыс шешім қабылдауға мәжбүр болды.

Дауыл жағдайында бір сағат ішінде катер экипажы науқасты жағаға жеткізу міндетін орындады, онда оны «Кендірлі» шекара бөлімшесінің әскери қызметшілері мен жедел медициналық жәрдем дәрігерлері күтіп алды. Жалпы алғанда құтқару операциясы 6 сағатқа созылды.

Жаңаөзен қалалық ауруханасында науқасқа «Перфаративті асқазан жарасы» диагнозы қойылып, шұғыл операция жасалды.

Шекарашылардың шебер және батыл әрекеттерінің, медициналық көмектің арқасында шетелдік азаматтың өмірі сақталды.

Әзербайжан Республикасының консулдығы қазақстандық шекарашыларға жолаушыны уақытылы және шебер іс-әрекеттерімен құтқарғаны үшін алғыс білдірді. 

ҚР ҰҚК баспасөз қызметі

Хабар 24 телеарнасы