Арнайы операция кезінде 38 және 21 жастағы екі азамат қолға түскен, деп хабарлайды «Хабар 24».
Олардың гаражынан жиынтық деректерін ауыстыру үшін дайындалған түрлі маркалы 10 көлік табылды. Криминалистер VIN-кодтарды өшіру немесе өзгерту үшін қолданылатын екі лазерлік таңбалау аппаратын, әріптік және сандық белгілері бар металл баспаларды, көлік құралдарының жиынтық деректеріне ұқсас қаріптерді тәркіледі.
Сондай-ақ гараждан машиналардан алынған қағаз белгілер, бірнеше мемлекеттік нөмер, ноутбук, мониторлар мен процессорлар шықты. Қазіргі уақытта сәйкестендіру нөмерлері өзгертілген көліктерді анықтау бойынша жедел-іздестіру іс-шаралары жүргізілуде,-дейді қалалық Полиция департаментінің баспасөз қызметі.