Головкиннен жеңілген Мурата алғаш рет мәлімдеме жасады
Жапониялық боксшы Риота Мурата (16-3, 13 КО) қазақстандық Геннадий Головкинмен (42-1-1, 37 КО) жекпе-жектен кейін алғаш рет пікір білдірді, деп хабарлайды Vesti.kz.
Орта салмақта үш белбеу сарапқа салынған бұл айқас Жапонияның Сайтама қаласында өткен болатын. Головкин Муратаны тоғызыншы раундта нокаутпен жеңді.
«Мен демалып, кетуім туралы ойланамын. Тынығып алғаннан басқа ештеңеге шамам келмеді. Рингтен қауіпсіз кететінімді ойласам, жеңілдеп қаламын.
Рингке шыққанда мен жалғызбын, бірақ мені оған дейін қолдайтын адамдар көп: бапкерлер, залдағы адамдар және менің отбасым. Бәріне алғыс білдіремін. Әлі де әлем чемпионы боламын», – деп береді Муратаның сөзін Yahoo! Sports Japan.
Осы тақырып бойынша:
Геннадий Головкин Риота Муратаға шапанын сыйға тартты
WBA Геннадий Головкинді жеңісімен құттықтады
Головкин Муратаға белдігін қайтарып берді