425,30 504.32 5.86
+7 (7172) 757 485 24kz@khabar.kz

Елордада сенбі және жексенбі күндері дәмханалар мен мейрамханалар қалай жұмыс істейді?

  • 290
  • UPD: 14:47, 23.07.2021
Елордада сенбі және жексенбі күндері дәмханалар мен мейрамханалар қалай жұмыс істейді?

Елорданың санитарлық дәрігерінің карантиндік шараларды қатаңдату туралы қаулысына сәйкес қоғамдық тамақтандыру орындары қысқартылған жұмыс режиміне көшті, деп хабарлады Нұр-Сұлтан әкімдігінің ресми сайты.

Сонымен, сенбі және жексенбі күндері елорданың қоғамдық тамақтану орындары – кафелер, мейрамханалар, кофеханалар жұмыс істемейді. Бұл ретте тамақты жеткізу және өзімен алып кету штаттық режимде жүзеге асырылады.

Жоғарыда аталған қоғамдық тамақтану нысандарына жұмыс күндері таңғы сағат 7-ден 17:00-ге дейін жұмыс істеуіне рұқсат етіледі, ал «Ashyq» жобасына қатысатын мекемелер кешкі сағат 20:00-ге дейін жұмыс істей алады.

Асханалар үшін жұмыс және демалыс күндері сағат 07:00-ден 21:00-ге дейінгі жұмыс кестесі белгіленген.

Естеріңізге сала кетейік, сенбі және жексенбі күндері елордалық СОО және т.б. жұмысына тыйым салынған.

Хабар 24 телеарнасы