423,91 504.32 5.82
+7 (7172) 757 485 24kz@khabar.kz

Қазақстандықтар қандай көлікті жиі сатып алады

  • 171
  • UPD: 15:25, 02.09.2021
Қазақстандықтар қандай көлікті жиі сатып алады autoreview.ru

Қазақстанда Lada-ны сатып алу көрсеткіші төмендеген, деп хабарлайды «Хабар 24».

Ranking сарапшыларының мәліметінше, 2021 жылдың қаңтар-шілдесіндегі ең танымал бренд Chevrolet болды. Бұл маркадағы көліктің 17,8 мың данасы сатылған. Былтырғымен салыстырғанда көрсеткіш 18,6 есе артық.

Одан кейін Hyundai (14,3 мың), Toyota (8,2 мың), Kia (5,3 мың) және Lada (4,1 мың) тұр. Бұл ретте Hyundai – 78,5%-ке, ал Toyota мен Kia сатылымы тиісінше 46,5% және 43,8%-ке өссе, онда Lada сатылымы 2020 жылдың қаңтар-шілдесімен салыстырғанда екі есе төмендеген.

Жеңіл автомобильдерді сату көлемінің артуымен олардың бағасы да өсуде. Биылғы қаңтар-шілде айларында автомобильдер өткен жылдың сәйкес кезеңімен салыстырғанда 9,4%-ке қымбаттады, бұл – соңғы 5 жылдағы ең жоғары көрсеткіш.

Отандық автоөндіріс бір жыл ішінде 27,3%-ке, 47,2 мың көлік құралына дейін өсті. Бұл өсім бірінші кезекте жеңіл автомобильдер өндірісінің артуымен байланысты – 26,6% (40,7 мың бірлікке дейін). Шығарылған жүк автомобильдерінің саны 52,2%-ке, 5,3 мың бірлікке дейін ұлғайды.

Хабар 24 телеарнасы