424,44 504.55 5.80
+7 (7172) 757 485 24kz@khabar.kz
ҚАЗ

Ресейде Рождество қарсаңында 445 адам коронавирустан көз жұмды

  • 233
  • UPD: 10:02, 07.01.2021
Ресейде Рождество қарсаңында 445 адам коронавирустан көз жұмды

Ресейдегі эпидемиологиялық ахуал әлі де күрделі, деп хабарлайды «Хабар 24».

Рождество мерекесі қарсаңында бұл елде 445 адам коронавирус індетінен көз жұмды. Алайда пандемияға қарамастан рождестволық іс-шаралар атап өтілді. Шіркеуге келгендердің барлығына санитарлық нормаларды, маска мен әлеуметтік арақашықтықты сақтауға тура келді. Ресейдің тұтынушылар құқығын қорғау қызметі тұрғындарды діни мекемелерде аурудың алдын алу үшін тиісті шараларға немқұрайлы қарамауға шақырды. Сонымен қатар әр құлшылық алдында ғимараттың іші зарарсыздандырылып отыру керек делінген. Ал, әлеуметтік арақашықтықтың сақталуы мүмкін емес жерлерде келушілердің саны шектелетін болады. Сондай-ақ мамандар егде жастағыларға діни іс-шараларды шіркеуде емес, тікелей эфирден тамашалауға кеңес беріп отыр.

Хабар 24 телеарнасы