425,82 518.00 5.93
+7 (7172) 757 485 24kz@khabar.kz
ҚАЗ

Ташкентте 88 жыл бұрынғы рекорд қайта тіркелді

  • 118
  • UPD: 19:12, 02.06.2021

Көрші елде 88 жыл бұрын болған рекорд қайта тіркелді.

Аптап ыстық өзбектерді алқымнан алып барады. Синоптиктердің айтуынша, Өзбекстанның бірқатар облысында сынап бағанасы 43 градусқа дейін жетіп отыр. Нақтырақ айтар болсақ, Қарақалпақстан Республикасында, Хорезм, Науаи және Бұқара өңірлерінде күн қатты ысып, рекордтық көрсеткішке жеткен. Өте ыстық ауа температурасы Өзбекстан аумағында әлі бір аптадай сақталады.

Мамандардың мәлімдеуінше, бұрын мұндай жағдай 1933 жылы тіркелген. Қазір Ташкенттегі метро вагондарының жылдамдығына да шектеу қойылды.

Бұл, бірінші кезекте, жолаушылардың қауіпсіздігі үшін, - дейді метро басшылығы.

Оксана Кенжаева, Гидрометеорологиялық қызмет орталығының жетекші маманы:

– Маусымның 3 мен 6 аралығында Иран аумағынан келген ыстық ауаның салдарынан күн ысиды деп күтіледі. Бұл күндері ауа температурасы климаттық нормадан 70 процентке дейін артады. Яғни күндіз сынап бағанасы 40-43 градусты көрсетеді. Ал шөлді аймақтарда ауа температурасы 45 градусқа дейін көтеріледі.

Хабар 24 телеарнасы