426,14 492.05 5.99
+7 (7172) 757 485 24kz@khabar.kz

Үндістанда жол апатынан бір отбасының тоғыз мүшесі қайтыс болды

  • 91
  • UPD: 10:07, 20.09.2021
Үндістанда жол апатынан бір отбасының тоғыз мүшесі қайтыс болды Report.az

Үндістанның орталық бөлігіндегі Чхаттисгарх штатында болған жол апатынан тоғыз адам қаза тауып, тағы жеті адам ауыр жарақат алған.

Бұл туралы жергілікті полицияға сілтеме жасай отырып Синьхуа хабарлайды.

Мәлімет бойынша, оқиға штаттың әкімшілік орталығы саналатын Райпурден оңтүстікке қарай 188 шақырым жерде, Кондагаон ауданында болған. Моторлы үш дөңгелекті велосипед пен жол талғамайтын көлік бетпе-бет соқтығысып, велосипедтегі жеті адам сол жерде тіл тартпай кеткен, тағы екеуі ауруханаға барар жолда көз жұмған. Олардың ішінде төрт әйел мен бір бала бар. Қайтыс болған тоғыз адамның барлығы бір отбасының мүшелері екен.

Жергілікті полиция тергеу жүргізіп жатыр.

Толық емес ақпарат бойынша, Үндістанда жыл сайын жол-көлік апатынан 150 мыңдай адам қайтыс болады.

Хабар 24 телеарнасы