419,66 501.30 5.64
+7 (7172) 757 485 24kz@khabar.kz
ҚАЗ

Қазақстандықтар Оңтүстік Корея ұйымдастырған фото және ән байқауына қатыса алады

  • 141
  • UPD: 09:17, 01.02.2021

Оңтүстік Кореяда дарынды отандастарымыздың танылуына мүмкіндік бар, деп хабарлайды «Хабар 24».

Сеулде Қазақстан азаматтары да қатысатын екі бірдей байқау жарияланды. Бірі ән айту, екіншісі фото сайыс. Іс-шаралар әз-Наурыз мерекесі қарсаңында ұйымдастырыпып отыр. «Наурыз дауысы» жобасының жеңімпаздарына 900 долларға дейін сыйақы беріледі. Ән байқауына жеке және топтық жұмыстар жолдауға болады. Корея Республикасының азаматтары әнді қазақша айтса, ал Қазақстан азаматтары корей тілінде орындауы керек. Бейнероликтің ұзақтығы – 30 секунд. Дыбыс үдеткіштер қолданып, дауысты өзгертуге болмайды дейді ұйымдастырушылар. Фотосуреттер байқауының бас жүлдесіне 1800 доллар тігілген. Қатысушылар наурыз тақырыбына қатысты туындысын жолдауы тиіс. Жеңімпаздың жұмысы Сеулдегі фотокөрмеге ұсынылады. Үміткерлер еңбектерін 22 ақпанға дейін Корея-Орталық Азия ынтымақтастық форумының хатшылығы электрондық поштасына жолдайды.

Пак Санг Бэ, «Корея – Орталық Азия» ынтымақтастық форумы хатшылығы бас директорының орынбасары:

– Наурыз – шығыс халықтарына ортақ Жаңа жыл мерекесі. Хатшылығымыз Корея мен Орталық Азия елдері арасындағы достықты және тығыз ынтымақтастықты сақтау үшін құрылған. Сондықтан оңтүстіккореялықтарға Наурыз мерекесін таныстыруды жоспарлап отырмыз. Фотосурет пен ән байқауын мұндағы мамандар жақсы бағалайды. 

Хабар 24 телеарнасы