420,65 505.95 5.64
+7 (7172) 757 485 24kz@khabar.kz
ҚАЗ

Нұр-Сұлтанда 2021 жылы 8 жаңа автобус бағыты іске қосылады

  • 206
  • UPD: 10:06, 29.01.2021
Нұр-Сұлтанда 2021 жылы 8 жаңа автобус бағыты іске қосылады Елорда әкімдігі

Нұр-Сұлтан қаласы әкімінің орынбасары Ермек Қизатов Қоғамдық кеңес мүшелерімен өткен кездесуде елорданың қоғамдық көлігінің жұмысы туралы түсіндіріп берді.

Қазіргі уақытта қоғамдық көлік жұмысын 6 автобус паркі ұйымдастырады, олардың бірі – коммуналдық, қалғаны – жекеменшік. Қала бойынша 91 маршрут жүреді: 66 қалалық, 24 қала маңындағы және 1 саяжай. Күн сайын желіге 800-ден астам автобус шығады, оның 739-ы қалалық маршруттарға қызмет көрсетеді.

«Өткен жылы біз қаланың бағыт-бағдар желісін жаңарттық, өйткені елорда күн санап өсіп, үлкейіп жатыр. 4 жаңа маршрут іске қосылды, 16 маршрут оңтайландырылды. Қаладағы проблемалы учаскелерге қолжетімділікті қамтамасыз еттік. Ескілерін жаңарттық. Биыл тағы 8 жаңа қалалық маршрутты іске қосуды жоспарлап отырмыз. Бұдан басқа, адам көп жүретін учаскелерге 3 қысқа маршрут қосуды жоспарлап отырмыз», - деді Е.Қизатов.

Естеріңізге сала кетейік, өткен жылы 100 электр автобусы сатып алынып, желіге шығарылған болатын. Олар экологияға зиянсыз және атмосфераға ешқандай қалдық шығармайды. Сондай-ақ, желіге тағы 100 осындай автобус шығару жоспарда бар.

Хабар 24 телеарнасы