423,75 504.55 5.80
+7 (7172) 757 485 24kz@khabar.kz
ҚАЗ

Канада Қазақстан үшін виртуалды ауылшаруашылық көрмесін өткізеді

  • 137
  • UPD: 11:03, 22.06.2021

Канада Үкіметі арнайы Қазақстан үшін виртуалды ауыл шаруашылығы көрмесін ұйымдастырмақ, деп хабарлайды «Хабар 24».

Отандық аграрилер 23 маусымда Канаданың агроөнеркәсіп саласындағы озық технологияларымен таныса алады. Сондай-ақ делдалсыз іскерлік байланыс орнатуға мүмкіндік алады. Бүгінде елде канадалық компаниялардың қатысуымен мал және өсімдік шаруашылығы саласында бірқатар жоба іске асырылды. Сонымен қатар Қазақстанның Канададағы Елшілігі осы іс-шара аясында жеке павильон ұйымдастырады. Онда білікті сарапшылар көрме қонақтарына арнайы кеңес береді.

Ақылбек Камалдинов, ҚР Канададағы Төтенше және өкілетті елшісі:

- Канада АӨК дамуы бай тәжірибеге ие екені белгілі. Екі ел арасында климаттық ұқсастық қана емес, одан басқа Канада ауылшаруашылық саласындағы жаһандық көшбасшылардың бірі болғандықтан біздің еліміз үшін үлкен қызығушылық тудырады. Еліміздің бәсекеге қабілетін арттыру үшін жаңа технологияларды енгізу жөніндегі стратегиялық міндеттеріне сәйкес келеді.

Виртуалды көрмеге қатысу үшін мына сілтеме арқылы тіркелу қажет: https://share.hsforms.com/1BJgcIqF4QKKVmmtWzOP6nA5a1xz

 

 

Хабар 24 телеарнасы