424,15 504.60 5.74
+7 (7172) 757 485 24kz@khabar.kz
ҚАЗ

Шымкентте медбике тұрғынға екпе егілгені туралы жалған тіркеу жүргізген

  • 67
  • UPD: 12:36, 19.07.2021
Шымкентте медбике тұрғынға екпе егілгені туралы жалған тіркеу жүргізген aprfd.kz

2021 жылдың 12 шілдесінде Шымкент қаласы Полиция департаментіне қаладағы емхана қызметкерінің Қаратау ауданының тұрғындарына COVID-19 екпесі егілгені туралы жалған анықтама жасап жүргендігі жөнінде ақпарат келіп түскен.

Хабарлама бойынша Криминалдық полиция басқармасының қызметкерлері қалалық емханалардың бірінде медбикенің жергілікті тұрғынға COVID-19 екпесі егілгенін растайтын жалған тіркеу жүргізгенін анықтады.

Аталған жайт ҚР ҚК 385-бабының 1-бөлігі (Құқықтар беретiн немесе мiндеттерден босататын куәлiктi немесе өзге де ресми құжатты қолдан жасау не мұндай құжатты өткiзу) бойынша Сотқа дейінгі тергеп-тексерулердің бірыңғай тізіліміне тіркелді. Тергеу амалдары жалғасуда.

Айта кеткен жөн, бұл қылмысты жасаған азамат екі мың айлық есептік көрсеткiшке дейiнгi мөлшерде айыппұл салуға не сол мөлшерде түзеу жұмыстарына не алты жүз сағатқа дейінгі мерзімге қоғамдық жұмыстарға тартуға не екі жылға дейінгі мерзімге бас бостандығын шектеуге не сол мерзiмге бас бостандығынан айыруға жазаланады.

Хабар 24 телеарнасы