Мемлекет басшысы белгілі кардиохирург Серік Бекбосыновтың отбасына көңіл айтты

Мемлекет басшысы Қасым-Жомарт Тоқаев белгілі кардиохирург Серік Бекбосыновтың отбасы мен жақын туыстарына көңіл айтты.

Бұл туралы Президенттің баспасөз хатшысы Берік Уәли facebook парақшасында хабарлады.

«Серік Темірханұлы Ұлттық ғылыми кардиохирургия орталығында қызмет етіп, жүрек-қан тамырлары хирургиясы саласындағы үздік мамандардың бірі атанды. Жүрекке ота жасаған әлемдегі ең жас кардиохирург ретінде еңбегі жоғары бағаланды. Көптеген адамның өмірін аман алып қалды. Отанымызға адал еңбек етіп, өз ісінің білгір маманы ретінде соңына өшпес із қалдырған Серік Темірханұлының жарқын бейнесі ұмытылмайды», – делінген жеделхатта.

Белгілі кардиохирург Серік Бекбосынов қайтыс болды