425,75 504.32 5.84
+7 (7172) 757 485 24kz@khabar.kz

ҰҚК қылмыстық топтан 4 тоннадан астам марихуана мен қару тәркіледі

  • 104
  • UPD: 12:09, 25.08.2021
ҰҚК қылмыстық топтан 4 тоннадан астам марихуана мен қару тәркіледі ҚР ҰҚК

Қазақстан Республикасы Ұлттық қауіпсіздік комитеті ҚР ІІМ арнайы мақсаттағы күштерін тарта отырып, Атырау облысы прокуратурасының келісімі бойынша Атырау және Батыс Қазақстан облыстарының аумағында құрамында есірткі бар өсімдіктер өсіруді ұйымдастырған қылмыстық топтың заңға қайшы әрекетінің жолын кесті.

ҚР ҰҚК баспасөз қызметінің мәліметінше, арнайы операция нәтижесінде 2021 жылғы 18 тамызда үш плантацияда 31 адам (оның 17-сі шетелдік), оның ішінде есірткі тобын ұйымдастырушы ұсталды.

Заңсыз айналымнан 4 тоннадан астам марихуана, 7 бірлік атыс қаруы мен оқ-дәрілер тәркіленді. Сонымен қатар тінту барысында браконьерлік жолмен алынған ақбөкен мүйіздері мен бекіре тұқымдас балықтар табылды.

«ҰҚТ әрекетінің жолын кесу үшін тынымсыз жедел жұмыс жүргізілді. Фигуранттардың есірткі қылмысына қатыстылығына бұлтартпас дәлелдемелерге қол жеткізілді, қылмыстық топтың құрылымы және қатысушылар арасында рөлдерді бөлуі анықталды», – делінген мәліметте.

Хабар 24 телеарнасы