430,43 492.25 5.92
+7 (7172) 757 485 24kz@khabar.kz

Қазақстан Республикасының аумағына заңсыз кіріп кеткен шетелдік ұсталды

  • 86
Қазақстан Республикасының аумағына заңсыз кіріп кеткен шетелдік ұсталды

Түркістан облысында Қазақстан Республикасының аумағына заңсыз кіріп кеткен шетелдік ұсталды, деп хабарлайды «Хабар 24» Polisia.kz сайтына сілтеме жасап.

Сарыағаш АПБ-ның полиция қызметкерлері аудан аумағындағы шетелдіктердің тиісті құқық тәртібін қамтамасыз ету, заңсыз келген және осында тұрып жатқан шетелдіктерді, оған қоса заңсыз көші-қон арналары мен оларды ұйымдастырушыларды анықтау, Қазақстан Республикасы аумағына келу, болу, кету ережелерін сақтау мақсатында жедел-профилактикалық жұмыстарды тұрақты түрде жүргізіп отырады.

Осындай шара барысында Сарыағаш ауданы Жемісті ауылына қарасты «Бағыс» айналма тас жолы арқылы ҚР-ның аумағына заңсыз кіріп кеткен Өзбекстан Республикасының азаматын анықтады. Тәртіп сақшылары аталған жайтты ҚР ҚК-нің 392-бабы (Қазақстан Республикасының Мемлекеттiк шекарасын қасақана заңсыз кесіп өту) бойынша СДТБТ-ға тіркеді.

Полиция қызметкерлерінің жүргізген жедел-профилактикалық шараларының нәтижесінде аталған азаматтың жұмыс жасау мақсатында жүргені анықталып, Сарыағаш АПБ-ға жеткізілді.

Қазіргі таңда күдіктіге қатысты сотқа дейінгі тергеу амалдары жүргізілуде.


Хабар 24 телеарнасы