Оралда кәсіпорындар мен мемлекеттік органдар қызметтік көліктерін медициналық бригадаларды тасымалдауға беріп жатыр. Өйткені аймақта эпидахуалдың нашарлауы денсаулық сақтау мекемелерінің жүктемесін ауырлатып жіберді.
Шаһарда шұғыл қоңыраулардың көбі №1 емханаға келіп түседі. Дәрігерлердің айтуынша, орташа есеппен тәулігіне 200 шақты шақырту болады. Жедел-жәрдем көлігінің жетіспеуіне байланысты науқастарға бригада кешігіп баруға мәжбүр. Еңбек ұжымдары ұсынған темір тұлпарлардың алғашқы легі осы емханаға берілді.
Земфира Қойшыбаева, қалалық №1 емхананың дәрігері:
– Кәсіпкерлер беріп жатқан автокөліктерін біз тек давлениемен, балаларға шақыртылған, т.б. вызовтарға қолданамыз. ОРВИ-ден басқа және КВИ-ден басқа вызовтар болады ғой. Бізде население осы жақта ғой. Жаяу барып келе алады медбикелер. Бірақ соларға тездетіп обслуживать ету үшін мына машиналар қосымша берілді.