433,15 516.00 5.62
+7 (7172) 757 485 24kz@khabar.kz
ҚАЗ

Павлодар облысында жолаушылар мінген автобус өртенді (ВИДЕО)

  • 55
  • UPD: 10:59, 08.04.2021
Павлодар облысында жолаушылар мінген автобус өртенді (ВИДЕО)

Оқиға орнында Павлодар қаласы ТЖБ  және өрт зертханасы жұмыс істеуде, деп хабарлайды Рavlodarnews.kz.

Облыстық ТЖД баспасөз қызметінің мәліметінше, Павлодар – Ленин кенті тас жолында №38 маркалы МАЗ автобусынан өрт шыққан. 

– Көлік №1 автобус паркіне тиесілі. Жалын 15 шаршы метр алаңды қамтыған. Өрт  туралы хабарлама сағат 08:49-да тіркеліп, сағат 09:07-де жойылды, – дейді ведомствода.

Көлікте болған 40 адам өздігінен сыртқа шыққан. Қаза болғандар мен зардап шеккендер жоқ. Тілсіз жаудың шығу себебі мен келтірілген шығын көлемі анықталуда. 

Өртті сөндіруге АҚЖ  және өрт сөндіру қызметінен екі техника мен тоғыз адам жұмылдырылды.

Хабар 24 телеарнасы