429,33 519.25 5.73
+7 (7172) 757 485 24kz@khabar.kz
ҚАЗ

Алматы облысындағы өрт салдарынан балық шаруашылығына зиян келді

  • 145
  • UPD: 15:57, 15.04.2021
Алматы облысындағы өрт салдарынан балық шаруашылығына зиян келді

Алматы облысындағы өрт салдарынан балық шаруашылығына зиян келіп, бір адам зардап шекті.

Бұл жайында ҚР Экология, геология және табиғи ресурстар министрлігінің баспасөз хатшысы Самал Ибраева мәлім етті, деп хабарлайды ҚазАқпарат.

«Кешеден бері Алматы облысындағы орман алқабында болған жайтқа алаңдап отырмыз. Өрт салдарынан Іле өзені сағасының басым бөлігі жанып кетті. Қазіргі уақытта өрттің бірінші ошағы сөндірілді. Өкінішке қарай, қазіргі уақытта өрт Іле-Балқаш мемлекеттік табиғи резерватында таралуда. Орман шаруашылығы және инспециясының барлық күші өртті сөндіруге жұмылдырылған», - деп жазды ол Facebook-тегі парақшасында.

Оның атап өтуінше, өрт балық қабылдайтын пунктті шарпып, балық шаруашылығына шығын келтірген. Сонымен қатар аталған шаруашылықтың бір қызметкерінің ауруханаға жеткізілгені белгілі.

«Орманшылар әуеден барлау жасап жатыр. Егжей-тегжейлі ақпаратты сәл кейінірек аламыз. Жергілікті төтенше жағдай қызметімен үнемі байланыста отырмыз», - деді Самал Ибраева.

Хабар 24 телеарнасы