432,01 515.14 5.62
+7 (7172) 757 485 24kz@khabar.kz
ҚАЗ

АШМ Жер ресурстарын басқару комитетінің төрағасы тағайындалды

  • 173
  • UPD: 15:22, 02.03.2021
АШМ Жер ресурстарын басқару комитетінің төрағасы тағайындалды

ҚР Үкіметінің Қаулысымен Мұрат Баритұлы Теміржанов Қазақстан Республикасы Ауыл шаруашылығы министрлігі Жер ресурстарын басқару комитетінің төрағасы қызметіне тағайындалды.

Бұл туралы ҚР премьер-министрінің баспасөз қызметі хабарлады. 

Мұрат Теміржанов 1977 жылы Ақмола облысында туған. Ол Ш.Уәлиханов атындағы Көкшетау университетін, Қазақ гуманитарлық заң университетін бітірген.

Еңбек жолын 1998 жылы Көкшетау қаласында Салық комитетінің салық инспекторы болып бастаған. 2001 жылы Зеренді ауданы бойынша Салық комитеті төрағасының орынбасарының м.а. болды. Түрлі жылдары жеке меншік құрылымдарда басшылық қызметтер атқарды.

2013-2014 жж. ҚР Президент Әкімшілігі Қауіпсіздік Кеңесінің Ситуациялық орталығының консультантының м.а., консультанты болды.

2016-2021 жж. – VI шақырылымындағы Қазақстан Республикасы Парламент Мәжілісінің депутаты, Аграрлық мәселелер комитетінің мүшесі.

Биылғы қаңтар айынан бастап қазіргі уақытқа дейін – ҚР ауыл шаруашылығы министрінің кеңесшісі.

Айта кетсек, Гүлжахан Бимендина ҚР АШМ Жер ресурстарын басқару комитетінің төрайымы қызметінен босатылды.

Хабар 24 телеарнасы