414,77 504.70 5.64
+7 (7172) 757 485 24kz@khabar.kz
ҚАЗ

«Барыс» хоккейшілері «Металлургтен» тағы жеңіліп қалды

  • 100
  • UPD: 20:31, 07.02.2021
«Барыс» хоккейшілері «Металлургтен» тағы жеңіліп қалды

Құрлықтық хоккей лигасы аясында елордалық «Барыс» бүгін, 7 ақпанда Ресейде «Металлург» (Магнитогорск) командасымен кездесті, деп хабарлайды ҚазАқпарат.

Айта кетейік, екі команда бұған дейін биылғы турнирде үш мәрте кездесті. 2020 жылдың 17 қарашасында елордада «Металлург» буллиттен 2:1 есебімен басым түссе, 30 желтоқсанда «Барыс» овертаймда аталған қарсыласын 3:2 есебімен тізе бүктірді. Одан кейін 3 ақпанда ресейлік клуб өз айдынында қазақстандық клубты 3:1 есебімен тізе бүктірді. Осылайша «Барыс» аталған қарсыласына соңғы екі ойында есе жіберіп қойды.

Сол кеткен есені бүгін қайтаруға тырысты. Дегенмен, есепті алғашқы болып ресейлік хоккейшілер ашты. Ойынның 20-минутында Сергей Плотников мергендігімен көзге түсті. Оған екінші кезеңнің 22 және 38-минуттарында «Барыс» хоккейшісі Фил Вароне екі шайбамен жауап қайырды. Осылайша қазақстандық команда алға шықты.

Үшінші кезеңде «Металлург» сапынан алдымен Сергей Плотников 46-минутта гол соқса, одан кейін Николай Кулёмин 50-минутта көздеген нысанадан мүлт кеткен жоқ. Ресейлік клуб «Барыстан» 3:2 есебімен басым түсті. Енді «Барыс» 16 ақпанға дейін үзіліс алды. Сол күні елордада Ресейдің «Авангард» командасын қабылдайды.

Естеріңізге сала кетсек, «Барыс» бұдан бұрын Ресейде «Сибирь» командасынан басым түсті.

Хабар 24 телеарнасы