425,70 504.60 5.77
+7 (7172) 757 485 24kz@khabar.kz
ҚАЗ

Қазақстанның Олимпиада командасы Токиоға барды

  • 75
  • UPD: 19:39, 17.07.2021
Қазақстанның Олимпиада командасы Токиоға барды

Олимпиялық делегацияның алғашқы бөлігі Жапонияға келді. Нұр-Сұлтан мен Токио арасындағы ұшу ұзақтығы 7 сағат 15 минутты құрады деп хабарлайды Olympic.kz. 

Талапқа сай делегацияның 128 мүшесі коронавирусты инфекцияға байланысты ПТР тест тапсырды. Барлық қазақстандықтар тапсырған тест теріс нәтиже берді. 

Команданың әуежайдағы барлық процедурасы 4 сағатқа жуық уақытқа созылды. 

«Ұйымдастырушылардың талабы бойынша барлық регламентті сақтадық. Ереже бойынша соңғы төрт сағатта спортшылар коронавирусты инфекцияға қатысты бес тест тапсырды. Қазіргі таңда олар Олимпиада ауылына жайғасып, тынығуда. Жақын уақытта кестеге сәйкес жаттығуды бастайды», - деп хабарлады Олимпиададағы Қазақстан Миссиясының басшысы Елсияр Қанағатов. 

17 шілде күні Токиодағы күн райы ашық, ауа температурасы 32 градусқа дейін көтерілген. Ылғалдылық 52 пайызды көрсетуде. 18 шілдеден бастап спортшылар жаттығуға кірісіп, дәрігерлердің бақылауымен ыстық әрі ылғалды климатқа бейімделетін болады.

18 шілде күні Олимпиада ауылына спорттық гимнастика мен академиялық есуден команда өкілдері жайғасады. 

23 шілде күні Олимпиада ойындарында алғаш болып төрт қазақстандық спортшы бақ сынайды. Садақ атудан іріктеу кезеңінде Санжар Мұсаев, Ильфат Абдуллин, Денис Ганькин сынға түссе, академиялық есуден Владислав Яковлев жарысты бастайды.

Хабар 24 телеарнасы