Заң жобасы. Азаматтық авиация қауіпсіздігі

Мәжіліс депутаттары 15 жұмыс тобын өткізіп, авиация қызметі мен әуе кеңістігіне қатысты заңға 229 түзету енгізіпті. Азаматтық авиация заңындағы толықтырулар Қазақстанға Халықаралық азаматтық авиация ұйымының «қара тізімінен» шығуға жол ашты. Осыдан 7 жыл бұрын аталмыш ұйым еліміздің әуе компанияларына Еуроаймақта ұшуға тыйым салған еді. Ал биылғы жылдың желтоқсан айында ол тыйым алынып тасталды. Бұл ретте заң шығарушы орган қолға алған жұмысты атап өткен жөн дейді мамандар.