Мемлекет басшысы Қорғаныс министрін қабылдады

Мемлекет басшысы Қорғаныс министрі Руслан Жақсылықовты қабылдады.

Министр Жоғары Бас қолбасшыға былтыр атқарылған  жұмыстардың нәтижелері туралы есеп беріп, осы жылға арналған жоспарды таныстырды. Сондай-ақ қазіргі сын-қатерлер мен қауіптерге байланысты әскердің жауынгерлік әзірлік бағдарламасы қайта қаралды. Кездесу соңында Президент әскери қызметшілердің өмірі мен денсаулығын сақтау, әскери ортадағы моральдық-психологиялық ахуалды жақсарту маңызды екенін атап өтті. Сондай-ақ  министрлікке еліміздің қорғаныс қабілетін одан әрі арттыру, мерзімді әскери қызметке шақырудың көктемгі науқанын сапалы ұйымдастыру жөнінде бірқатар тапсырма берді.