Елордада Шора Сарыбаев атындағы оқу залы ашылды

Ұлттық кітапхана ішіндегі кабинеттің салтанатты ашылу рәсіміне профессордың шәкірттері қатысты.

Еске сала кеткен жөн, Ұлттық ғылым академиясының академигі Шора Сарыбаев мемлекеттік тіл мәртебесін күллі әлем бойынша асқақтатқан тіл жанашыры. Сарыбаевтың ғылыми зерттеу еңбектері негізінен морфология, библиография, тіл тарихы, аударма мәселелеріне арналған.

Айта кетейік, академиктің 250-ден астам мақаласы мен оқулықтары, монографиялары жарық көрген.

Кәрімбек Құрманәлиев, ҚР ҰҒА академигі, Ш. Сарыбаевтың шәкірті:

- Бұл кісінің үлкен бір еңбегі 6 томдық Қазақ тілі әдебиетінің көрсеткішін жасаған адам. Жұрттар еңбегін емес, атын атауға қорқатын алаштықтарды ол алғаш томына кіргізіп, Ахмет Байтұрсынов пен Құдайберген Жұбановтың еңбегін кіргіземін деп қызметінен айырылған. Жұмысынан қуылған. Сондай бір жағдайлар болған. Сол кезде оның батырлығы да бар.