414,77 504.70 5.64
+7 (7172) 757 485 24kz@khabar.kz
ҚАЗ

Ауа райының нашарлауына байланысты жедел байланыс желісі ашылды

  • 277
  • UPD: 17:53, 08.02.2021
Ауа райының нашарлауына байланысты жедел байланыс желісі ашылды

Ауа райының нашарлауына байланысты (көктайғақ, қар аралас жаңбыр, қарлы боран) ТЖ министрлігінде, Ақмола, Қарағанды және Павлодар облыстары ТЖ департаменттерінде «Жедел байланыс желісі» ашылды.

ТЖМ: 717 2 53 32 84

Ақмола облысы ТЖД: 8 716 2 55 14 84

Қарағанды облысы ТЖД: 8 721 2 51 72 23

Павлодар облысы ТЖД: 8 718 2 20 11 12.

Бұл туралы ҚР ТЖМ ресми өкілі Талғат Уәли хабарлады.

Еске сала кетейік, 7 ақпан түннен бастап республикалық маңызы бар Нұр-Сұлтан – Петропавл автожолының жабылуына байланысты ауа райының қолайсыздығына байланысты Нұр-Сұлтан және Щучинск қалаларынан шыққан кезде автокөлік жиналды.

ТЖМ және ТЖД дағдарыс орталығында жедел әрекет ету және ведомствоаралық өзара іс-қимылды ұйымдастыру үшін жедел штаб құрылды. Ақмола облысы ТЖД және Нұр-Сұлтан қаласы ТЖД «112» пультіне тұрғындардан ақпараттық сипаттағы 5500-ге жуық қоңырау келіп түсті, олар белгіленген тәртіппен пысықталды.

«Азаматтарды ауа райының өзгерістерін бақылауға шақырамыз. Дауылды ескерту туралы хабарламаларды тыңдап, қажетті сақтық шараларын сақтаңыздар. Қыс маусымында көлікпен алыс жолдарға шықпас бұрын ауа райы болжамын міндетті түрде зерделеген жөн. Егер қатты боран, бұрқасын болса, жол кептелісінде ұзақ тұрып қалуыңыз мүмкін. Тіпті жол-көлік оқиғасына да тап болуыңыз ықтимал. Егер қандай да бір елді мекенге шұғыл баруыңыз керек болса, діттеген жеріңізге кедергісіз жету үшін теміржол көлігін пайдалануға кеңес береміз», - делінген хабарламада.

Қыста жолға шығар алдында:

Мұқият ауа райы болжамын зерделеңіз;

Қозғалыс үшін қандай жолдар жабылуы мүмкін екенін анықтаңыз.

Ақпаратты «Қазавтожол» ҰК сайтында толығымен жабық учаскелердің картасын көруге болады. Не болмаса бірыңғай телефон нөмірі 1403 немесе құтқару қызметінің «112» телефон нөмірі, сондай-ақ «Дәрмен» мобильді қосымшасы арқылы нақтылауға болады.

«112» қызметінен ресми дауылды ескерту алған жағдайда елді мекендерден және жолға шығудан бас тарта тұру қажет.

Ақпарат көзі: ҚР ТЖМ баспасөз қызметі

Хабар 24 телеарнасы