Испанияның жағажай күзеті 44 мигрантты өлімнен құтқарды

Испанияның жағажай күзеті Канар аралдары маңында 44 мигрантты өлім аузынан аман алып қалды.

Бірнеше адам дәрігерлердің көмегіне жүгінді. Испанияның ішкі істер министрлігінің хабарлауынша, өткен жылы аралға 23 мыңнан астам заңсыз мигрант табан тіреген. Бұл 2019 жылмен салыстырғанда, 8 есе артық. Сарапшылардың айтуынша, пандемия салдарынан Африка елдеріндегі туризм саласы тұралап қалғандықтан, аймақтан кәрі құрлыққа ағылған заңсыз келімсектердің қатары бірнеше есеге артып кетті.