429,76 515.14 5.64
+7 (7172) 757 485 24kz@khabar.kz
ҚАЗ

АҚШ-та атыс болған Ориндж қаласы өте қауіпсіз жер саналады

  • 82
  • UPD: 15:35, 01.04.2021
АҚШ-та атыс болған Ориндж қаласы өте қауіпсіз жер саналады

АҚШ-тың Ориндж қаласында атыс болып, 4 адам ажал құшты.

Рейтер агенттігінің хабарлауынша, тағы 1 адам жарақат алған.

Құрбандар арасында бір бала бар. Атыс бизнес орталығында болған. Көпшілікке оқ жаудырған күдікті де жараланып, қамауға алынды. Естеріңізге сала кетейік, АҚШ-та соңғы 2 аптада бейбіт тұрғындарға үшінші рет оқ атылып отыр. 16 наурызда Атланта қаласында 8 адам көз жұмса, 22 наурызда БОулдер қаласында 10 тұрғынның өмірі қиылды. Оқ жаудырған күдіктілер қазір қамауда отыр.

Дженнифер Амат, Ориндж қаласы полиция департаментінің өкілі:

- Негізі Ориндж өте қауіпсіз қала. Мұндай қанды оқиға өте сирек болады. Қазір құрбандардың жеке басын анықтау, туыстарына тез арада хабарлаужұмыстары жүргізіліп жатыр. Тергеу барысы туралы ақпарат беріп отырамыз.

Хабар 24 телеарнасы