Меккеде кіші қажылыққа рұқсат берілді

Сауд Арабиясы кіші қажылық жасағысы келетін шетелдіктерге шекарасын ашпақ.

Бүгіннен бастап умраға өтініш қабылданып жатыр. Басты талап – келушілер корольдік мойындаған коронавирусқа қарсы екпе салдыртуы тиіс. Бұл мемлекет жарамды деп таныған вакциналар тізімінде Модерна, Файзер-Байонтек, Астразенека және Джонсон әнд Джонсон препараттары бар. Саудия билігі шетелдіктердің кіші қажылыққа келуіне 18 ай бұрын тыйым салған болатын. Пандемияға дейін мұнда жыл сайын қажылықтан 12 миллиард доллар қаржы түсетін.