Солтүстік Кореяда тағы бір зымыран сыналды

Солтүстік Корея тағы бір баллистикалық зымыранды сынақтан өткізді, деп хабарлайды «Хабар 24».

Ақпарат көздерінің хабарлауынша, снаряд Жапон теңізінің жағалауындағы Синпхо қаласынан ұшырылды. Жапонияның жағалау күзеті аймақтағы балық аулау кемелеріне қауіп төнетінін айтып алаңдаушылық білдірді. Әзірге зымыранның қай жерге құлағаны және қанша шақырымға дейін ұшырылғаны белгісіз.