Біріккен Ұлттар ұйымы келесі айдан бастап Газа алқабын тазарту жобасын жүзеге асырмақ, деп хабарлайды «Хабар 24».
Өйткені аумағы 105 шақырым болатын бұл жер соңғы жылдары бей-берекет тасталған қоқыс полигонына айналып кеткен. Осыған алаңдаған мамандар енді тау болып үйілген қоқысты тысқа шығарып, аймақты табиғи қорыққа айналдырмақ ниетте. Осылайша осында мекендейтін аң-құсқа қолайлы жағдай жасау көзделген. Жауапты мамандардың айтуынша, жоба құны 66 миллион доллар. Ол екі кезеңнен тұрады. Алғашқы 4 айда алқап толығымен күл-қоқыстан тазартылса, кейін тұрғындардың демалысына арналған инфрақұрылым орналастырылмақ.