476,27 474,60 7,83
+7 (7172) 757 485 24kz@khabar.kz

Қытайда 11 млн түлек жұмыс таба алмай жүр

  • 159
  • UPD: 15:37, 10.08.2022
Қытайда 11 млн түлек жұмыс таба алмай жүр

Қытайда оқу бітірген 11 млн түлек екі қолға бір күрек таба алмай жүр. Жергілікті биліктің хабарлауынша жақын арада бұл көрсеткіш 16 млн-ға дейін жетуі мүмкін, деп хабарлайды «Хабар 24».

Статистикаға сүйенсек, бүгінде 16 мен 24 жас аралығындағы жастардың жұмыссыздығы,, 20 процентті құрайды. Коронавирус пандемиясы басталғалы еңбек нарығында жұмыс орындары қысқарып қалған. Әсіресе өндіріс орындары мен қызмет көрсету саласы зардап шекті. Экономикалық қиыншылықтарға тап болған кәсіпкерлер,,, жалақы мен жұмыс орнын қысқартуға мәжбүр болды. Таяуда премьер-министр Ли Кэцян еңбек нарығындағы мәселені шешу үшін,,, қазынадан 400 млрд доллар бөлінетінін хабарлады.

Лю Цянь, түлек:

- Аспирантурада оқып жүргенде бұндай қиындыққа тап боламын деп ойламадым. Ол кезде екі бірдей компания жұмыс ұсынған.  Оқу бітірген соң сол компаниялар қысқарту жайында хабарлады. Қазір 1200 доллар жалақысы бар жұмыс табу өте қиын. Бұл сонша үлкен айлық емес қой.

 

Хабар 24 телеарнасы