Ливанда Израиль шабуылдарынан қаза тапқандар саны 2700 адамға жетті. Тағы 8 мыңнан астамы жараланған. Бұл туралы елдің Денсаулық сақтау министрлігі мәлімдеді.
Дональд Трамптың рейтингі құлап жатыр. Бұл жолғы сауалнамаға қатысқан америкалықтардың 62 пайызы АҚШ президентінің жұмысына көңілі толмайтынын білдірген.
Германия әскери резерв жасақтамақ. Бұл туралы Deutsche Welle басылымы жазды. Бундесвер, яғни Германияның қарулы күштері арнайы сауалнама жүргізіп, оны 200 мың адамға жолдаған.
Біріккен Араб Әмірліктері ОПЕК-тен кейін Мұнай экспорттаушы араб елдерінің ұйымынан да шықты. Ел билігі бұл туралы аталған альянстың Кувейттегі штаб-пәтеріне ескерту хат жолдаған.
АҚШ Ормуз бұғазына жоласа, Иран да қарап отырмақ емес. Мұнысын оқ атпау режимін бұзуға балап отыр. Сондай-ақ Ислам революциясы сақшылар корпусы сауда кемелеріне ескерту жасады.
АҚШ Ормузда қаңтарылып тұрған кемелерді құтқару операциясын бүгін бастайды. Әлеуметтік желідегі ресми парақшасына Президент Трамп осындай жазба жариялады.
Газа секторының экономикасы 84 пайызға құлдырады. Бұл туралы «Рейтер» агенттігі хабарлаған. Сонымен қатар анклавта 371 мыңнан астам үй жермен жексен етілді.