419,66 501.30 5.64
+7 (7172) 757 485 24kz@khabar.kz
ҚАЗ

Сенаторлар: Санитарлық авиация адамдарға сапалы қызмет көрсетуі керек

  • 84
  • UPD: 12:15, 11.02.2021
Сенаторлар: Санитарлық авиация адамдарға сапалы қызмет көрсетуі керек Сенаттың баспасөз қызметі

Санитарлық авиация өз пациенттеріне сапалы қызмет көрсетуі тиіс.

Оны дәл осы кезде қолға алу керек. Сенаторлар Ақмарал Әлназарова, Нұртөре Жүсіп және Мұрат Бақтиярұлы премьер-министрдің атына жолдаған депутаттық сауалында осы мәселе көтерілді, деп хабарлайды Сенаттың баспасөз қызметі.

Санавиацияға бюджеттен бөлінген ақша көбінесе Ан-2, Як-40, Ан-24 ұшақтарына ғана жетеді. Ол ұшақтардың қызмет етудегі орташа мерзімі 40 жылдан асады. Депутаттар олардың техникалық жағдайы, мәселен, шуылы, дірілі, ұшақ ішіндегі температурасы ауыр науқастарға медициналық қызмет көрсету және тасымалдау стандарттарына сәйкес келмейтінін атап өтті.

«Сапалы және уақтылы медициналық көмектің міндетті шарты науқастарды тасымалдауға әлемдік стандарттарға жауап беретін заманауи ұшақтарды пайдалану екенін атап өткен жөн. Сондай-ақ бюджет қаржысынан төленетін ұшу уақытының 1 сағатына тарифті ұлғайтуға қаржы бөлу қажет деп санаймыз. Бұл жаңа әрі заманауи әуе көлігінің түрлерін пайдалану үшін де маңызды. Осы шаралар санитарлық авиация қызметін одан әрі дамыту мен әлеуетін арттыруға сеп болады және ел тұрғындарына медициналық көмектің қолжетімділігі мен сапасын арттыруға, жалпы өлім-жітімді азайтуға ықпал етеді», – деп атап өтті сенатор Ақмарал Әлназарова.

Хабар 24 телеарнасы