Египеттен келген бір жолаушыдан коронавирус анықталды

14 ақпан күні Шарм-эль-Шейх – Нұр-Сұлтан рейсімен елге келген бір жолаушыдан коронавирустық инфекция анықталды.

Дәл сол күні елге шет мемлекеттен 557 азамат анықтамасыз келген. Барлығы ПТР-талдау әдісімен тексерілді. Ал кеше республикаға 19 рейспен 2 мың 94 азамат келді. Оның 383-інде анықтама болмаған. Олар да келген жері бойынша тексеріледі және карантиндік стационарларда талдау нәтижесін күтеді.