Ұлыстың ұлы күні Наурыз мейрамының қарсаңында Қарағанды облысында «мегабауырсақ» пісірілді, деп хабарлайды «Хабар 24».
Оны қарапайым тұрғындар емес, түрмеде жазасын өтеп жатқандар әзірледі. Бауырсақтың диаметрі 120 сантиметр, ал салмағы 3 келіден асады. Оны дайындауға қажетті заттар мен пісіру жұмыстарын түрме әкімшілігі ұйымдастырды. Ұлттық тағамнан ондағылардың барлығы ауыз тиген. Олардың айтуынша, бауырсақ пісіру абақтыдағы азаматтарға отбасылық және мерекелік көңіл күйді сезіндірді.