Әкімшілік полиция осы мәселені қадағалауға алды, деп хабарлайды «Хабар 24».
Ақмола облысында рейд өткізіліп, арнайы техникалар мен түрлі құрылғылардың әзірлігі, жанармай мен мұзға себілетін материалдар қоры, тіпті, қосалқы бөлшектердің бар-жоқтығы тексерілді. Осы орайда бақылаудан өткен 200-ге жуық техниканың 50 шақтысы жарамсыз болып шықты. Тиісті мекемелердің басшыларына ескертілді дейді полицейлер. Рейд 15 қарашаға дейін жалғасады.
Айбек Хасенов, облыстық әкімшілік полиция басқармасының аға инспекторы:
– Сондай-ақ бұл мекемелер жол белгілерін орнатумен де айналысады. Олардың дұрыс қойылуын да тексереміз. Кейбір белгілер құлап қалуы немесе соғылуы мүмкін. Жол ұйымдары солардың барлығын уақтылы қарап отыруы тиіс.