432,26 519.25 5.62
+7 (7172) 757 485 24kz@khabar.kz
ҚАЗ

Семейде жер үйде өрт шығып, екі адам көз жұмды

  • 172
  • UPD: 11:10, 03.03.2021
Семейде жер үйде өрт шығып, екі адам көз жұмды

Семей қаласында жер үйде өрт шығып, екі адам қаза болды, деп хабарлады ҚазАқпарат.

ШҚО Төтенше жағдайлар департаменті баспасөз қызметінің мәліметіне сүйенсек, 3 наурызда сағат 05:00 шамасында Белибаев көшесіндегі жеке тұрғын үй отқа оранған. Оқиға орнына шұғыл жеткен өрт сөндірушілер үй ішінен 2 газ баллонын алып шықты.

«Жалын шарпыған жалпы аумақ 180 шаршы метрді құрады. Барлау жүргізу барысында бөлмеден 1946 жылғы үй иесі мен оның 1976 жылғы ұлының денесі табылды», - делінген хабарламада.

Алдын ала мәлімет бойынша, өрттің шығуына отпен абайсыз әрекет ету, пешті пайдалану кезінде өрт қауіпсіздігі ережелерін сақтамау немесе электр жабдықтарының апаттық режимде жұмыс істеуі себеп болуы мүмкін.

Хабар 24 телеарнасы