Қызылорда облысында жалған ПТР тест сатқандар ұсталды. Күдіктілер кінәсін толық мойындаған. Тергеу жүріп жатыр.
Бұл туралы өңірдегі сыбайлас жемқорлыққа қарсы қызмет өкілдері хабарлады. Екі медициналық мекеменің мамандары қолдан жасалған құжатты 7 мың теңгеден саудалап келген. Олар өз қызметін көбіне вахта әдісімен жұмыс істейтіндерге, шетелге шықпақ болған азаматтарға ұсынып отырған. Заңсыз жолмен теріс нәтижелі 60-қа жуық тест сатылған. Тінту кезінде анықтаманы басып шығаратын компьютерлік техника мен мөр табылды.