430,99 515.14 5.69
+7 (7172) 757 485 24kz@khabar.kz
ҚАЗ

Алматы облысында мас жүргізуші қағып кеткен екінші қыз қайтыс болды

  • 80
  • UPD: 09:58, 05.04.2021
Алматы облысында мас жүргізуші қағып кеткен екінші қыз қайтыс болды

4 сәуірде Алматы облысында мас жүргізуші қағып кеткен екінші қыз қайтыс болды, деп хабарлады Tengrinews.kz.

Оқиға 2 наурызда Еңбекшіқазақ ауданы, Қорам ауылында болған еді. Жергілікті тұрғын мас күйде үйге қайтып бара жатқан төрт оқушыны қағып кетті.  

Екі қыз бірден Шелек ауылындағы аудандық ауруханаға жеткізілді. Соңғы екі апта бойы олар жансақтау бөлімінде жатқан. 

14 наурызда тоғыз жастағы науқастың жүрегі тоқтап, қайтыс болды. 

Алматы облысы Денсаулық сақтау басқармасының мәліметінше, 4 наурызда сағат 21:00-де екінші қыз қайтыс болған. Марқұм сегіз жаста еді. 

Хабар 24 телеарнасы