424,92 504.32 5.86
+7 (7172) 757 485 24kz@khabar.kz

Елордада төрт жасар бала 8-қабаттан құлап кетті

  • 183
  • UPD: 11:22, 03.08.2021
Елордада төрт жасар бала 8-қабаттан құлап кетті elements.envato.com

Нұр-Сұлтанда төрт жасар бала терезеден құлап кетті.

Бұл туралы елордалық Полиция департаменті мәлім етті, деп хабарлады Tengrinews.kz.

«2 тамызда сағат 20:37-де полицияға Иманбаева көшесі бойындағы тұрғын үйдің сегізінші қабаттағы терезесінен төрт жасар бала құлап кеткені туралы хабарлама түсті. Бала ата-анасымен бірге пәтерде болған. Ол ойнап жүріп, терездегі торға ауып, құлап кеткен. Әкесі оқиғаны көріп тұрып, ештеңе істей алмаған. Бала алған жарақаттарынан оқиға орнында қаза болды», - деді Полиция департаменті баспасөз қызметіндегілер.

Құқық қорғау органдарының мәліметінше, жыл басынан бері елордада 25 бала терезеден құлап, олардың үшеуі қаза болған. Полиция қызметкерлері ата-аналардан балаларын қараусыз қалдырмауды және терезе алдында ойнауға жол бермеуді сұрайды.

Хабар 24 телеарнасы