Кезектен тыс президентті сайлауға түсіп жатқан кандидат Жұматай Әлиев лингвистикалық емтихан тапсырып, мемлекеттік тілді жетік меңгергенін дәлелдеді. Бұл туралы Орталық сайлау комиссиясының сайтында жарияланды, деп хабарлайды «Хабар 24».
Үміткер «Түркістан – ер түріктің бесігі» тақырыбында жазды. Мұқағали Мақатаевтың «Аққулар ұйықтағанда» поэмасынан үзінді оқып, «Адал еңбек – игілік көзі» тақырыбында сөз сөйледі. Естеріңізге сала кеткен жөн, 2019 жылы президент сайлауына түскісі келген Жұматай Әлиев бұл сыннан өте алмаған болатын.