476,27 474,60 7,83
+7 (7172) 757 485 24kz@khabar.kz

Бүгін паралимпиада ойындарының финалдық кезеңі өтеді

  • 135
  • UPD: 09:38, 13.03.2022
Бүгін паралимпиада ойындарының финалдық кезеңі өтеді Қазақпарат

Ал қазақстандықтар шаңғы эстафетасында өнер көрсетеді, деп хабарлайды «Хабар 24».

Бейжіңдегі Паралимпиада ойындарының соңғы күнінде парахоккейден, шаңғы жарысынан және тау шаңғысы спортынан финалдық кезеңдер өтеді. Ойындардың соңғы күні ашық және аралас эстафетамен аяқталады. Жарыстар Хэбэй провинциясының Чжанцзякоу тау шаңғы курортында өтеді. Қазақстандық спортшылар 4×2,5 аралас эстафетасында өнер көрсетеді. Сондай-ақ Бейжіңде АҚШ пен Канада құрамалары парахоккейде чемпиондық титул үшін таласады. Ал паратаушаңғысынан жарыстар слаломнан әйелдер арасындағы бәсекемен аяқталады. Жарыстар ел астанасының Яньцин ауданында өтеді. Бүгін, жексенбі күні «Құс ұясы» ұлттық спорт стадионында XIII Паралимпиада ойындарының жабылу салтанаты болады. Сегізігнші жарыс күнінің қорытындысы бойынша бірінші орында 59 медальмен Қытай тұр (18 алтын, 18 күміс және 23 қола медаль). Екінші орында Украина құрамасы орналасқан (10-10-8), үшінші орында – Канада (8-5-10). Қазақстан құрамасы 1 қола медальмен Автралия және Швейцариямен бірге 17-19 орындарды бөлісіп отыр.

Хабар 24 телеарнасы