466,44 484,00 8,88
+7 (7172) 757 485 24kz@khabar.kz

Елордада өтетін велошеру 28 мамырға ауыстырылды

  • 133
  • UPD: 16:12, 20.05.2022
Елордада өтетін велошеру 28 мамырға ауыстырылды gov.kz

Елордада балалар жылы мен жаңа веломаусымның басталуына орай жаппай веложарыс өткізу жоспарланып отыр. Іс-шара 28 мамырда өтеді. Бұл туралы қала әкімдігінің ресми сайты елордалық Дене шынықтыру және спорт басқармасына сілтеме жасап хабарлайды.

Осыған дейін хабарланғандай, жаппай велошеру 21 мамырда өтуі тиіс болатын. Алайда ауа райының қолайсыздығына байланысты 28 мамырға ауыстырылды.

Іс-шара «Астана Орманы» жасыл белдеуінің веложолында өтеді.

Қатысушылар 3 шақырым қашықтықты жүріп өтеді. Тіркеу сағат 09.00-де басталады, ал басталуы – сағат 10.00-де. Ұйымдастырушылар велошеру спорттық жарыс емес екенін айрықша атап өтті.

Сол сияқты қатысушылар арасында лотерея ұйымдастырылып, бағалы сыйлықтар ойнатылады.

Балалар жылы мен веломаусымның ашылуына орай ұйымдастырылған жаппай велошеру Нұр-Сұлтан қаласы әкімдігінің қолдауымен өтеді.

Қаланың тұрғындары мен қонақтарын жаппай веложарысқа белсенді қатысуға шақырамыз!

Хабар 24 телеарнасы