433,32 493.30 5,91
+7 (7172) 757 485 24kz@khabar.kz

Президент «Самұрық-Қазына» АҚ басқарма төрағасын қабылдады

  • 209
  • UPD: 19:30, 17.11.2021
Президент «Самұрық-Қазына» АҚ басқарма төрағасын қабылдады

Президент Қасым-Жомарт Тоқаев «Самұрық-Қазына» АҚ басқарма төрағасы Алмасадам Сәтқалиевті қабылдады.

Мемлекет басшысына Қордың жыл басынан бері атқарған қызметінің негізгі өндірістік көрсеткіштері мен қаржылық нәтижелері туралы баяндалды.

Алмасадам Сәтқалиев биылғы 10 айдың қорытындысы бойынша «Самұрық-Қазына» компаниялар тобына 8 981 миллиард теңге кіріс кіргенін және оның жоспарланған мөлшерден 20 процентке артық екенін айтты. Компаниялар тобының операциялық табысы – 1 256 миллиард теңге. Бұл былтырғы көрсеткіштерге қарағанда 2 еседен көп. Оған мұнай бағасының қымбаттауы, жүк тасымалынан түсетін кірістің артуы, транзиттің өсуі және басқа да өндірістік көрсеткіштер ықпал еткен. 

Қасым-Жомарт Тоқаев кездесу соңында «Самұрық-Қазына» акционерлік қоғамының жобалары бойынша бірқатар нақты тапсырма берді.

Хабар 24 телеарнасы