429,33 519.25 5.73
+7 (7172) 757 485 24kz@khabar.kz
ҚАЗ

Мексикада мұнай-химия кешенінде апат болды

  • 92
  • UPD: 11:17, 21.04.2021
Мексикада мұнай-химия кешенінде апат болды Корреспондент.net

Мексиканың шығысындағы Веракрус штатындағы Морелос мұнай-химия кешенінде апат болды, нәтижесінде төрт адам жарақат алды.

Қазір кешен жұмысы тоқтап тұр. Бұл туралы кәсіпорын тиесілі Pemex мемлекеттік мұнай-газ компаниясы Twitter-де хабарлады.

«Морелос мұнай-химия кешені турбогенераторлар учаскесінде электрмен жабдықтау проблемаларына байланысты жұмысын тоқтатты», - делінген хабарламада.

Кешеннің қызметкерлері будан күйген. Зардап шеккендер ауруханаға жеткізілді. Олардың өміріне қауіп төніп тұрған жоқ.

Апат себептері әзірге белгісіз.

Бұған дейін дәл осы компанияға тиесілі зауытта алты жарылыс болғанын хабарлағанбыз.

Хабар 24 телеарнасы