427,15 517.06 5.74
+7 (7172) 757 485 24kz@khabar.kz
ҚАЗ

Өзбекстанда коронавирус жұқтырғандар саны күрт өсіп, антирекорд орнады

  • 132
  • UPD: 23:56, 22.04.2021
Өзбекстанда коронавирус жұқтырғандар саны күрт өсіп, антирекорд орнады фото: inform.kz

Өзбекстанда соңғы тәулікте коронавирус жұқтырғандардың саны күрт өскені байқалды.

Бұл туралы ҚазАқпарат ӨзА агенттігіне сілтеме жасап хабарлайды.

Денсаулық сақтау министрлігінің мәліметінше, 21 сәуірде Өзбекстанда 384 адамға коронавирустық инфекция диагнозы қойылды. Бұл 2021 жылғы жаңа антирекорд. Қазір елдегі тіркелген коронавирус жұқтырған азаматтар саны 87 935-ке жетті.

Аймақтар арасында ең көп вирус жұқтыру көрсеткіші Ташкенттен кейінгі (207 адам) кезекте Самарқанда байқалған – 73 адам.

21 сәуірде 290 кісі індеттен сауығып, бүгінге дейін аурудан айыққандар саны 85 007 (97%) жеткен.

Қазіргі уақытта республикада 2288 науқас ауруханада дәрігерлер бақылауында қалуда. Олардың 238-ның жағдайы ауыр, 113 науқастың хәлі өте ауыр екендігі айтылған.

Хабар 24 телеарнасы