424,92 504.32 5.86
+7 (7172) 757 485 24kz@khabar.kz

Норвегияда ірі метеорит құлады

  • 169
  • UPD: 12:56, 26.07.2021
Норвегияда ірі метеорит құлады wi-fi.ru
Түнгі сағат бір шамасында ғарыш объектісі жарылып, бірнеше секунд бойы Осло аспаны жарық болған, деп хабарлайды «Хабар 24» wi-fi.ru сілтеме жасап.

Бұл сәт бейнебақылау камераларына түсіп қалды. Фрагментті Норвегия астрономиялық қоғамында метеориттерді бақылаумен айналысатын Norsk Meteor Nettverk желісі жариялады.

Алдын ала мәліметтер бойынша, аспан денесінің құлау жылдамдығы секундына 15-20 шақырымға жеткен. Оның сынықтары Осло маңындағы орманды жерде құлап кетуі мүмкін. Norsk Meteor Nettverk мәліметтері бойынша метеорит күшті соққы толқынын жасады. Әзірге зардап шеккендер туралы ақпарат жоқ.

«Бейнежазбаларда метеорит алғаш рет Ослодан солтүстікке қарай 90 шақырым жерде пайда болып, оңтүстік-батыс бағытта жылжығанын көруге болады, онда ол бірнеше рет жарқылдап, жерден шамамен 23 шақырым жерде сөніп қалды», – делінген хабарламада.

Хабар 24 телеарнасы