Флорида штатындағы вакциналау орталықтарында ұзын-сонар кезек

АҚШ-тың Флорида штатында жұрт жаппай вакциналау орталықтарына ағылып жатыр, деп хабарлайды «Хабар 24».

Екпе егу бекеттерінде қазір ұзын-сонар кезек. Себебі тұрғындар вирус жұқтырып аламын ба деп қорқады. Айта кетейік, тақауда ғана дәл осы штатта инфекцияға шалдығудың рекордтық көрсеткіші тіркелген болатын. Ал ауруханаға түскендер қатары небәрі 1 ай ішінде 10 есеге артқан. Анықталғандай, науқастардың 95%-і вакцина алмаған.